Urubyiruko rurasaba ubumenyi no guhugurwa  mbere yo kwishyira hamwe mu makoperative

Urubyiruko rurasaba ubumenyi no guhugurwa  mbere yo kwishyira hamwe mu makoperative

Rumwe mu rubyiruko rurasaba guhugurwa no kongererwa ubumenyi mbere yuko basabwa kwibumbira mu makoperative , bongeraho ko ubu menyi bwo mu ishuli buba budahagije ngo bajye ku isoko ry’umurimo biteguye guhangana n’abarisanzweho , ikigo cy’igihugu gishinzwe amashuli y’imyuga RTB kivuga kizakomeza gukorana n’abafatanyabikorwa batandukanye hagamijwe kongerera urubyiruko ubumenyi.

Muri iki gihe  hari ibigo bihugura abanyeshuri bakiri bato n’abarimu babo bo mu mashuri yisumbuye kandi bikagura ubumenyi no ku barangije Kaminuza mu rwego rwo kubongerera ubumenyi n’ubushobozi binyuze mu mahugurwa kugira ngo bakemure ikibazo cy’ubushomeri mu bice byinshi by’ubuzima, nk’ibidukikije, ubuzima, ubuhinzi, ingufu, amazi, ibikorwa remezo, bimwe mu byo urubyiruko rusaba harimo guhugurwa no kongererwa ubumenyi ngo bibumbire mu makoperative haricyo bajyanyemo

Alphonsine Nyiransengiyumva, wo mu kigo cya Seed Technology Engineering (STE), cyita cyane ku bijyanye n’ubuhinzi, agaragaza ko ikibazo gikomeye urubyiruko rurangije amashuli makuru naza kaminuza ruhura nabyo  ari ukubura imashini zishyira mu bikorwa ubumenyi bakura mu mashuli  kuko babura ibyo bigiraho.

Yagize ati: “Icyo nshobora gusaba Igihugu ni ukuzana imashini n’ibindi bikoresho dukeneye kugira ngo dutange umusaruro ushoboka bava mu mashuli nta bumenyi buhagije bafite mu mikoreshereze yizo mashini ubwo rero bahawe amahugurwa babafasha.”

Albert Hafashimana ni  umunyeshuri wiga muri kaminuza avuga ko ubumenyi bwose bahabwa badahuguwe kubushyira mu bikorwa ntacyo byaba bimaze yagize ati  “Hano dukoresha ibikoresho byo mu masomo asanzwe kugira ngo batwereke ko ibintu bishoboka, dukeneye  guhugurwa ku ibikoresho byadufasha guhindura ubumenyi dufite mu buzima busanzwe kugira ngo tubashe gukemura ibibazo by’abaturage turi mu makoperative .”

Misako Ito, Umujyanama ushinzwe itumanaho n’amakuru muri UNESCO mu biro by’akarere ka Afurika y’Iburasirazuba i Nairobi, yavuze ko izo gahunda zose z’amahugurwa zigamije gufasha urubyiruko, cyane cyane abakobwa, kugira ubumenyi tugiye gushyira imbaraga muri yo hagamijwe guteza imbere urubyiruko rwa Afurika n’ubunararibonye bigezweho zigiye gushyirwamo imbararaga bityo bafashe urubyiruko guhangana ku isoko ry’umurimo yagize ati “ nibyo koko urubyiruko rukeneye amahugurwa no kwiyungura ubumenyi mbere yo kwishyira hamwe ubwo rero  ikoranabuhanga rigezweho”.

Albert Mutesa, umunyamabanga mukuru wa komisiyo y’u Rwanda ikorana na UNESCO yavuze ko aya mahugurwa ari ingenzi mu kurera abanyeshuri bafite ubumenyi bukenewe bwo guhatana ku isoko ry’umurimo Yagize ati “Ayo  mahugurwa ni  uburyo bwo kugira ngo dufatanye hagamijwe guteza imbere Ubumenyi n’Ikoranabuhanga no gutegura urubyiruko kwitegura gutanga ibisubizo by’ibibazo by’ejo hazaza kugira ngo bahore biteguye bahangana ku isoko ry’umurimo ubwo rero turashyiramo ingufu.”

Ubuyobozi bw’ikigo cy’igihugu gishinzwe amashuli y’imyuga RTB  buvuga ko buzakomeza gukorana n’abafatanyabikorwa babwo mu rwego rwo guhangana n’imbogamizi zigenda zigaragazwa n’abarangiza amashuli makuru naza kaminuza, biramutse bikozwe byagabanya ikibazo kigenda kigarukwaho cy’abanyeshuli basohoka mu mashuli nta bumenyi buhagije bafite.

Eric TWAHIRWA

ECONOMY