Amakipe ahagarariye U Rwanda mu mikino Nyafurika akomeje gutanga umusaruro muke mu mikino ya Caf confederation Cup na Champions league, ni imikino itaragiye ihira amakipe yo mu Rwanda kuko amenshi muri yo ataragera mu matsinda.
Kuri iyi nshuro APR FC ihagarariye u Rwanda mu mikino ya CAF champions league yatsinzwe na Azam FC yo Muri Tanzania igitego 1-0 mu mukino wabereye Kuri Azam Complex Chamazi stadium mu mukino ubanza wijonjora rya mbere
Ni umukino umutoza Darko Novic wa APR FC yari yabanjemo bamwe mu bakinnyi b’abanyamahanga Iyi ekipe yaguze, nka Pavelh N, Lamine B, Dauda yassif, Lamptey R, Mamadou S.
Nubwo Bimeze bityo hari bamwe mu basesenguzi bahamya ko ikipe ya Apr FC bigishoboka ko yakuramo Azam Fc , babishingira ku kuba igitego kimwe kidahagije ngo Azam yizere ko yakomeje , gusa nanone hari uruhande rwemeza ko na APR Fc nta bushobozi ifite bwo guhangana na AZAM .
APR FC imenyereye amarushanwa ariko ntirenga umutaru
Ikipe ya APR FC isanzwe imenyereye kwitabira aya marushanwa ariko bikarangira itarenze umutaru, yatangiye umukino yugarira arinako igerageza amayeri mu busatirizi ngo irebeko yabona igitego ariko bikanga, a igice cya mbere cyarangiye amakipe yombi anganya 0_0.
Mugice cya kabiri amakipe ku mpande zombi yazanye ingamba n’amayeri anyuranye ngo arebeko yabona igitego gusa ku munota wa 55 ku ikosa ryakozwe na kapiteni wa APR FC Niyomugabo Claude mu rubuga rw’amahina ikipe ya Azam FC yabonye penaliti itavuzweho rumwe yatewe Neza na Jhonier blanco, ikipe ya Azam FC ibona igitego cya mbere ari nacyo cyagaragaye muri uno mukino biyongerera amahirwe yo kugera mu cyiciro cya kabiri cy’ijonjora.
Mu mukino wo kwishyura uzabera I Kigali mu Rwanda taliki 24 kanama 2024 Kuri stade mpuzamahanga “Amahoro stadium” ikipe ya APR FC izaba iri imbere yabafana bayo isabwa ibitego bibiri kugirango ibe yakomeza mu ijonjora rya kabiri.
Ikipe izakomeza hagati ya APR FC na Azam FC izahura nizaba yarakomeje hagati ya Pyramids FC na JKU, Aho umukino ubanza wahuje aya makipe warangiye pyramids FC itsinze ibitego 6-0 JKU , bituma amahirwe menshi ahabwa pyramids Fc ndetse bigaha umukoro ukomeye Izarokoka hagati ya APR Fc na Azam Fc .
Ariko kandi kuri uyu wa gatandatu taliki 17 kanama 2024 ikipe ya police FC yatsinzwe 2-0 na CS Constantine yo Muri Algeria mu ijonjora rya mbere mu mikino ya CAF Confederation Cup. Umukino wo kwishyura uteganijwe taliki 25 kanama 2024 uzabera Kuri Kigali Pele stadium mu Rwanda.
Oddy Mujyeni
